Iniciativa e Burrave të Rinj

“Burrat dhe djemtë si partnerë në promovimin e barazisë gjinore dhe parandalimin e dhunës dhe ekstremizmit midis të rinjve në Ballkan”- është një projekt që zbatohet nga SIT dhe YMCA në partneritet me CARE International në Ballkan, ku ne punojmë drejtpërdrejt me të rinj dhe të reja që përpiqen të thyejnë stereotipat gjinore, luftimi i pabarazive, promovimi i një jetese të shëndetshme, pa dhunë dhe pa paragjykime.

Burrat dhe Djemtë si Partnerë në Promovimin e Barazisë Gjinore dhe parandalimin e Ekstremizmit dhe Dhunës së të Rinjve në Ballkan ose Iniciativa e Burrave të Rinj II (YMI II) mbështetet në përpjekjen gjithëpërfshirëse dhe programore të CARE për të luftuar dhunën ndërpersonale dhe me bazë gjinore si dhe për të përmirësuar barazinë gjinore në rajon dhe adresimin e çështjeve parandaluese në lidhje me ekstremizmin dhe dhunën e të rinjve

Ky projekt synon ngritjen e kapaciteteve dhe përfshirjen e arritjeve të mëparshme në lidhje me zbatimin e programit Gjinor Transformues të Shkathtësive të Jetës, ose shkurt ProgramiY, përmes një avokimi të targetuar dhe bashkëpunimit të ngushtë me akterët përkatës përmes mbështetjes së lëvizjes/ndërtimit të koalicionit përmes zhvillimit të aleancave të reja që angazhojnë prindërit dhe qytetarët në mbështetjen e barazisë gjinore, të fokusuara në programin e arsimit për aftësitë jetësore. Një nga rezultatet kryesore të projektit është zhvillimi i mjeteve arsimore për ngritjen e kapaciteteve të aktiviteteve të tilla si mësimi online dhe puna me universitetet në trajnimin e edukatorëve të rinj. Për të përmirësuar këtë proces, CARE do të pilotojë Programin Y në shkollat e mesme të zgjedhura profesionale ku shkollat marrin nën udhëheqje implementimin me mbështetjen e partnerëve lokalë të CARE dhe do të identifikojnë mësues aleatë, të cilët do të veprojnë si trajnerë të trainerëve (ToT) dhe të rinjve të angazhuar si edukatorë të bashkëmoshatarëve.

Për më tepër, një model i ri gjithëpërfshirës, Programi Y plus do të pilotohet duke punuar me një grup më të zgjedhur të të rinjve të cenueshëm nga dhuna dhe ekstremizmi. Ky model kërkon të rrisë lidhjet e komunitetit dhe të adresojë shtresat e shumtëfishta të përjashtimit që shpesh çojnë në ekstremizëm. Organizatat lokale partnere të CARE njihen gjithnjë e më shumë si aktorë kryesorë nga palët e interesit në fushën e angazhimit të burrave, punës së të rinjve dhe barazisë gjinore. Të mbështetur nga projekti, partnerët do të fillojnë fushata që targetojnë të rinjtë dhe komunitetet e përzgjedhura, rreth gjuhës së urrejtjes dhe promovimit të rolit pozitiv të të gjithë anëtarëve të komunitetit në adresimin e ekstremizmit dhe dhunës. Projekti kryesisht do të ndërtohet në në përdorimin e rrjeteve sociale, por gjithashtu do të përfshijë media të famshme dhe artin për të dërguar tutje mesazhe dhe për të arritur tek grupet e cenueshme. Palët relevante të interesit përfshijnë Ministrinë e Arsimit, agjencitë publike për gjini, institucionet akademike, shkollat e mesme, edukatorët, mediat, dhe palët tjera relevante të interesit. Projekti Iniciativa eBurrave të Rinj do të implementohet në Shqipëri, Bosnje dhe Hercegovinë, Kosovë, dhe Serbi dhe do të targetojë rininë, sidomos burrat e rinj që janë të cenueshëm nga dhuna dhe sjelljet jo shoqërore, dhe t’i përforcojë aftësitë kryesore, njohuritë, qëndrimet që përkrahin sjellje të përmirësuara rreth normave të barabarta gjinore dhe kundër dhunës

Në total 56.800 njerëz do të arrihen direkt përmes projektit: 150 mësimdhënës/e, 5000 nxënës/e, 150 studentë/e 50.200 të rinj/reja, 1100 prindër/qytetarë, 100 anëtarë të komunitetit, dhe 100 udhëheqës/e të lëvizjes.