Këshillim për Parandalim

Projekti “Këshillim për Parandalim” ka për qëllim ta luftojë dhunën ndaj grave dhe vajzave duke punuar në parandalim primar dhe terciar. Këtë synojmë ta arrijmë përmes pilotimit të seancave të këshillimit me kryerësit e veprave të dhunës në familje dhe dhunës me bazë gjinore

Gjithashtu, përmes këtij projekti do të punojmë me akterët e kësaj fushe, duke përfshirë institucionet publike dhe OJQ-të që punojnë në këtë fushë për të shtyrë përpara ndryshimin e ligjit dhe përfshirjen e shërbimeve të obligueshme ligjore për kryerësit e veprave të dhunës në familje dhe dhunës me bazë gjinore, duke u bazuar në kërkesat e Konventës së Stambollit.

Tjetër objektivë e këtij projekti është ngritja e vetëdijes për rolin e burrave në luftën kundër dhunës në familje dhe asaj me bazë gjinore, dhe për programet e trajtmit psiko-social për kryerësit e këtyre veprave.

Ky projekt do ta bëjë edhe vlerësimin e programeve aktuale për punën me kryerësit e veprave të dhunës në familje dhe dhunës me bazë gjinore, rrjetëzimi i punës së institucioneve me kryerësit e veprave të dhunës në familje dhe dhunës me bazë gjinore, dhe vlerësimi i nevojave të mekanizmave lokal të koordinimit në punën me kryerësit e këtyre veprave.

Projekti “Këshillim për Parandalim” implementohet nga organizata SIT – Qendra për Këshillim, Shërbime Sociale dhe Hulumtime, dhe përkrahet nga UNFPA në Kosovë.