Tuneli i Fundit | Mitrovicë

Tregimet e 16 grave dhe vajzave të vrara nga bashkëshortët apo familjarët e tyre u shfaqën në sheshin “Mehë Uka” në Mitrovicë me qëllim të parandalimit dhe luftimit të dhunës në familje dhe dhunës në bazë gjinore.

Nën zhurmën e dhunës, publiku kuptoi se kush, kur dhe si ndodhën këto vrasje të grave të cilat u bënë nga anëtarët e familjes, partnerët apo ish-partnerët e tyre. Përmes kësaj, ne shpresojmë t'u japim njerëzve një pamje të dhunës që përjetojnë gratë dhe vajzat në Kosovë gjatë një viti, vit pas viti. Në fund të instalacionit, u vendos deklarata e “zotimit publik” ku të gjithë ne zotohemi se do të jemi aktivë/e kundër dhunës ndaj grave dhe vajzave.

Ekspozita nesër do të shfaqet në Dardanë tek Parku i Qytetit.

“Tuneli i Fundit” implementohet nga SIT në kuadër të 16 Ditëve të Aktivizmit dhe mbështeten nga: UNFPA Kosovo, Care International Balkans, Austrian Development Agency dhe OAK Foundation, UNWomen in Kosovo, Kosova – Women 4 Women, UNTF dhe Qendra Kosovare për Studime Gjinore.