Takim informues me zyrtarët/et e Akademisë së Kosovës për Siguri Publike

SIT mbajti takim informues me zyrtarë/e të Akademisë së Kosovës për Siguri Publike, me qëllim të informimit të këtij institucioni mbi punën me kryerësit e veprave të dhunës në familje dhe dhunës me bazë gjinore. Përveç njoftimit me punën e departamentit të Këshillimit të SIT, takimi gjithashtu kishte për qëllim vlerësimin e mënyrave të bashkëpunimit mes SIT dhe AKSP në aspektin e parandalimit të dhunës në familje dhe dhunës me bazë gjinore përmes këshillimit si mjet primar parandalimi. Ky postim është pjesë e projektit “Këshillim për Parandalim” që implementohet nga SIT dhe mbështetet nga Zyra e UNFPA në Kosovë.