Ditari i një dite gjatë pandemisë COVID-19

Pra, ditari i një dite gjatë pandemisë së Covid-19 është një ditë jo e zakonshme sikur të tjerat, por një ditë ku si popull, njerëz, ose individë kemi përjetuar aspekte pozitive dhe negative, por megjithatë gjithsecili është frymëzuar dhe ndikuar nga kjo pandemi, ndoshta njerëzit nuk kanë qenë të gatshëm që të përballen me këtë por efekti i pandemisë ka bërë që shumë djem, vajza, gra, dhe burra të izolohen dhe të merren jo me punët e përditshme si në të kaluarën por të krijojnë një ambient më ndryshe, për shembull: gruaja të merret më shumë me fëmijët e saj, t’i ushqejë ata dhe të kalojë më shumë kohë , burri të jetë më shumë afër familjes, fëmijëve, gruas, si dhe motra dhe vëllezër të gjenden më afër familjes, pra të gjitha këto aspekte pozitive kanë ndikuar që një familje të jetë në gjendje të kalojnë kohë me njëri-tjetrin pasi që dinamika e jetës në këto kohë i ka bërë të jenë më larg familjes, shoqërisë, miqve.

Pra, mund të themi është një moment kur gjithsecili ka pasur mundësi të përjetojë kënaqësi në familje, por në disa raste ka pasur efekte negative kur si rezultat i komunitetit në familje ka pasur grindje, përleshje, dhe komunikim jo të rregullt me anëtarët e familjes, pra ka ndikuar në mënyrë negative të qenët gjithmonë në shtëpi.

Gruaja në kohë të pandemisë është marrë më shumë me përgaditjen e ushqimit, kujdesin ndaj fëmijeve, pastrimin e shtëpisë ku kishte ndihmë nga bashkëshorti dhe fëmijët, pra një mundësi dhe lehtësi në përgjithësi për gruan që të ketë një lloj ndihme në punët e shtëpisë nga burri dhe fëmijët, në anën tjetër burri ka qëndruar më afër fëmijëve, në socializimin me ta, këshillimin dhe argëtimin.

Edhe pse në botë pandemia Covid-19 ka marrë jetën e shumë personave, duhet ditur që njerëzit nuk kanë qenë të lirë dhe të bashkuar me familje sikur sot.

Për një ditë gjatë pandemisë çdo antëar i familjes, ndihmon në punët e shtëpisë, babain ose nënën, kalon kohën më të mirë të jetës së tij, dhe në anën tjetër largohet nga një botë e zhurmshme kur obligimet e jetës shpeshherë e kanë minimizuar kënaqësinë me prindër, vëllezër, dhe motra.

Një ditë e pandemisë ndonjeherë u bë monotoni për shumë njerëz, pasi që mungesa e punës, shkollës, e institucioneve, ka bërë që njerëzit mos të jenë aktiv kurse disa të tjerë kanë shfrytëzuar kohën në leximin e librave, revistave apo gazetave, si dhe shfrytëzimin e kohës për përgaditjen për provime, pra mund të themi se disa njerëz kanë shfrytëzuar kohën e lirë për t’iu shmanguar monotonisë, por disa të tjerë kanë mbetur në ankth ose stres për shkak të mungesës së punës. Akthi gjatë pandemisë, jo vetëm frika nga pandemia Covid-19, por edhe vetizolimi ka bërë që njerëzit të mos ndjehen rehat dhe të mos i plotesojnë aktivitetet ditore.

Mbyllja e intitucioneve shkollore, bizneseve, fabrikave, ka bërë që njerëzit të vetëdijësohen në shumë aspekte, jo çdoherë njerëzit kanë pasur këtë ballafaqim me jetën e tyre, por megjithatë izolimi dhe mbështetja familjare kanë penguar njerëzit nga përdorimi i drogës, abuzimi me substanca narkotike, vetëvrasja, dhe krimet e tjera.

Të gjitha këto kanë penguar mosshfaqjen e pasojave negative.

Ky artikull është shkruar nga Argjend Shoshi, student në Departamentin për Punë Sociale në UP nën mbikqyrje të profesoreshë Vjollca Krasniqi në kuadër të bashkëpunimit me SIT. Ky artikull u shkrua në kuadër të projektit “Burrat dhe djemtë si partnerë në promovimin e barazisë gjinore dhe parandalimin e dhunës dhe ekstremizmit tek të rinjtë në Ballkan”, implementuar nga CARE International Balkans në partneritet me SIT – Qendra për Këshillim, Shërbime Sociale dhe Hulumtime dhe YMCA në Kosovë dhe mbështetur nga Agjencioni Austriak për Zhvillim, dhe Fondacioni OAK.

YMI – Young Men Initiative#CareInternational#CARE#AustriaDevelopmentAgency#OAKFoundation