Shërbime këshilluese online

Duke e marrë parasysh numrin e rritur të raportimit të dhunës në familje si shkak i izolimit, SIT ka zhvendosur seancat këshilluese edhe në platforma online në mënyrë që t’ju ndihmojmë në kalimin e kësaj situate dhe të parandalojmë e të evitojmë çdo formë të dhunës. Nëse ndjeheni se keni nevojë të këshilloheni përgjatë këtyre ditëve në lidhje me menaxhimin e emocioneve, stresit apo agresivitetit, ju lutem na kontaktoni!

Për më shumë informata lexoni këtu:

SIT – Qendra për Këshillim, Shërbime Sociale dhe Hulumtime ofron shërbime këshillimi për të ndihmuar personat të cilët dëmtojnë familjarët e tyre me fjalë apo me vepra të tjera.

Ne mund t’ju ndihmojmë:

– Në kuptimin e pasojave që shkakton dhuna që ju ushtroni tek familjarët tuaj;

– Në njohjen dhe marrjen e përgjegjësive për veprimet që ju kryeni;

– Në zhvillimin dhe përmirësimin e aftësive të komunikimit në çift;

– Në kontrollin dhe zbutjen e zemërimit;

– Në ndryshimin e sjelljes dhe zgjidhjen e konflikteve, pa përdorur dhunë.

Kush jemi ne?

Ne jemi degë e Qendrave së Këshillimit dedikuar dhunuesve. Një staf i diplomuar në degë të ndryshme: kryesisht në shkencat shoqërore, shkencat e komunikimit dhe në atë juridike.

Qendra për Këshillim, Shërbime Sociale dhe Hulumtime (SIT) është organizatë jo-qeveritare dhe jo-profitabile që ka për mision ofrimin e shërbimeve profesionale këshilluese, hulumtime në fusha të ndryshme, si dhe parandalimin e dukurive negative me qëllim të kontribuimit dhe të përmirësimit të shëndetit dhe mirëqenies sociale.

Çfarë ofrojmë:

•Ofrojmë një shërbim të specializuar dhe profesional në reduktimin, parandalimin dhe ndaljen e dhunës në familje;

•Ofrojmë shërbim falas për personat që shkaktojnë dhunë;

•Ne kontribojmë në luftën kundër dhunës në familje;

•Ne ofrojmë seanca këshillimi individuale dhe në grup me burrat dhe djemtë e dhunshëm si dhe referim në shërbimet të tjera të specializuara;

•Ne ofrojmë konfindencialitet të plotë për sa i përket çështjeve që diskutohen gjatë seancave;

•Ne ofrojmë mundësinë që këta burra dhe djem të dëgjohen me kujdes dhe të shprehen lirshëm pa u paragjykuar;

•Ne ofrojmë mënyra dhe teknika në menaxhimin e zemërimit;

Çfarë synojmë:

•Individi të kuptojë origjinën dhe burimin e dhunës;

•Individi të jetë i ndërgjegjshëm për veprimin që ka kryer;

•Individi të marrë përsipër përgjegjësinë e veprimit të tij;

•Së bashku me individin të ndërtojmë plane ndërhyrje për trajtimin e tij.

Shërbimet këshilluese tani po i mbajmë online, andaj nëse keni nevojë për këshillim në lidhje me menaxhim të emocioneve, stresit, depresionit apo për parandalim të dhunës – na kontaktoni!

SIT – Qendra për Këshillim, Shërbime Sociale dhe Hulumtime

M: +383 44 294 832

E: info@sit-ks.org

Facebook: https://www.facebook.com/SITccssr 

Instagram: https://www.instagram.com/sit_center/

Ose ejani na vizitoni në qendren tonë (për të lënë një takim nga e hëna deri të premten nga ora 09:00 deri në oren 17:00).